Eich cyf/Your ref

Ein cyf/Our ref

Peredur Owen Griffiths AS

Cadeirydd, y Pwyllgor Cyllid

Senedd Cymru

Bae Caerdydd

Caerdydd.  CF99 1SN

SeneddFinance@senedd.cymru

19 Ionawr 2024

Annwyl Mr Griffiths

Aelodau anweithredol o Swyddfa Archwilio Cymru

Diolch am eich llythyr dyddiedig 19 Rhagfyr 2023 yn gofyn am fy sylwadau ar y gydnabyddiaeth ariannol arfaethedig a'r telerau penodi ar gyfer dau Aelod anweithredol o Swyddfa Archwilio Cymru.

Mae lefel y tâl cydnabyddiaeth yn unol â'r hyn a gynigir i aelodau bwrdd cyrff hyd braich Llywodraeth Cymru sydd â lefelau tebyg o gyfrifoldeb.  Ar y sail honno, rwy'n fodlon â'r tâl a gynigir.

Efallai y byddwn yn awgrymu bod adrannau 3.1 a 3.2, ar ddod â phenodiad aelod o'r bwrdd i ben, yn cynnwys cyfeiriad uniongyrchol at adran 8.9 (anghymhwyso rhag aelodaeth) gan y byddai hyn yn helpu i egluro'r rhesymau dros derfynu penodiad. Nid yw'n ymddangos bod y drafft presennol yn caniatáu terfynu penodiadau ar unwaith, gan ei fod yn dweud y bydd aelodau'n cael rhybudd ysgrifenedig o'r terfynu, sy'n awgrymu cyfnod o rybudd.  Efallai yr hoffech ystyried a yw'r Pwyllgor yn dymuno cynnwys cymal ar ddileu penodiad os yw aelod neu aelodau yn colli hyder y Senedd - hy i bob pwrpas, hyder y Pwyllgor - cyn diwedd tymor y penodiad.

DOM HOULIHAN

Cyfarwyddwr - Pobl a Lleoedd